social-fb-fia7

Java Globale e Sigurisë Rrugore – Love 30

KTA fillon kampanjën “LOVE 30” të siguri rrugore, në kuadër të “Javës Globale të Sigurisë Rrugore të UN-it”, e cila si fokus ka shpejtësinë të lejuar në zona urbane.

Qëllimi i kësaj kampanje është thirrja globale për vetëdijesim në kufizim të shpejtësisë në 30KM/h, ku përmes kësaj thirrje të përfshij komunitetin që të i bashkëngjitet këtij veprimi duke marrë vëmendjen e institucioneve relevante për ndërhyrje, veprim ky i cili do të reduktoj numrin e fataliteteve nga lëndimet të shkaktuara në trafik.

Duke limituar shpejtësinë e veturave në 30KM/h në rrugët ku janë të përfshirë njerëzit së bashku me trafikun, nuk kontribuojmë vetëm në siguri, por njëkohësisht mundësojmë ambient më të shëndetshëm, të gjelbër dhe më të përshtatshëm për jetesë.

Sipas Organizatës Botërore të Shëndetësisë, faktori shpejtësi është identifikuar si një faktor kyç i lëndimeve nga aksidentet në rrugë, duke ndikuar si në rrezikun e një aksidenti në rrugë ashtu edhe në ashpërsinë e lëndimeve që vijnë nga aksidentet.

Rrugët me 30KM/h janë më të sigurta dhe më të shëndetshme.

Rrugët me 30KM/h na mbrojnë të gjithëve, sidomos ata që janë më të cenueshëm, si këmbësorët, çiklistët, fëmijët, të moshuari dhe personat me aftësi të kufizuara. Rrugët me 30KM/h, aty ku njerëzit dhe trafiku bashkohen, ndihmon në parandalimin aksidenteve me fatalitet, dhe promovon aktivitetin fizik sepse kur rrugët janë të sigurta, njerëzit ecin dhe ngasin me biçikletë.

Rrugët me 30KM/h janë të gjelbër.

Rrugët me 30KM/h janë vitale në përpjekjen për ndryshim të lëvizshmërisë me zero emetim të karbonit. Rrugët që promovojnë ecje dhe çiklizëm të sigurte mund të reduktojnë varësinë nga veturat dhe emetimin e dëmshëm të automjeteve të cilat kontribuojnë në ndryshimin klimatik. Për të mbrojtur ambientin, njerëzit kanë nevojë për siguri, rrugët me shpejtësi të ulët të cilat inkurajojnë përzgjedhjen e transportit të qëndrueshëm.

Rrugët me 30KM/h janë më të përshtatshëm për jetesë.

Rrugët të përshtatshme për jetesë, të mundësuar nga shpejtësia e ulët, janë zemra e Agjendës për Zhvillim të Qëndrueshëm 2030, dhe mund të ndihmojë në arritjen e qëllimeve. Në momentin që rikthehemi nga pandemia COVID-19, gjithsecili duhet të përfitoj nga rrugët me shpejtësi të ulët, kështu që ata jo vetëm që mbijetojnë, por gjithashtu të triumfojnë. Rrugët  me 30KM/h janë rrugët për jetesë.

Nëpërmjet kësaj kampanje, ne i bëjmë thirrje vendimmarrësve për ndryshimin e kufizimit të shpejtësisë në 30KM/h aty ku njerëzit jetojnë, punojnë, dhe luajnë.

Nëse edhe ju e dëshironi 30-shin, si shpejtësi maksimale të lejuar, sikurse edhe ne, bashkohuni kampanjës tonë që të mundësojmë realizimin e këtij ndryshimi të shpejtësisë në 30KM/h, si normë për qytetet në mbarë botën.

Përmes kësaj kampanje, ju do të keni mundësi që të etiketoni (tag) kryetarin e komunës tuaj (në postimin më poshtë), kësisoj të arrijmë të marrim vëmendjen e tyre për qëllimin tonë të përbashkët, për rrugët më të sigurta duke ndryshuar shpejtësinë e lejuar në 30KM/h në të gjitha zonat e banuara.

Kjo kampanjë është mbështetur nga “FIA ROAD SAFETY GRANTS PROGRAMME” e koordinuar nga “FIA FOUNDATION”.

Dega - Vushtrri

Ligjeratat në Rahovec, Suharekë dhe Vushtrri

Vazhdojnë ligjeratat dhe shpërndarja e pakove në kuadër projektit “Stay Safe”.

Degët e Kryqit të Kuq të Kosovës që përfituan nga ligjeratat si dhe pakot nga ky projekt, janë: Dega në Rahovec, Suharekë dhe Vushtrri.

Dega e Kryqit të Kuq të Rahovecit dhe ajo e Suharekës, janë vizituar me datën 29.12.2020, ndërsa dega në Vushtrri është vizituar me datën 30.12.2020

Për më tepër, në kuadër të këtij projekti do të përfitojnë edhe degë tjera të Kryqit të Kuq të Kosovës, ku do të shpërndahen gjithsej 4500 pako.

kta-kryqi-i-kuq-kosova

Mbahet ligjerata e parë në kuadër të projektit”STAY SAFE”

Ditë më parë është filluar projekti “STAY SAFE” nga KTA në bashkëpunim me Kryqin e Kuq të Kosovës, projekt ky i mbështetur nga FIA Road Safety Grant Programme.

Përpos ligjeratave të ndihmës së parë dhe ligjeratës rreth masave mbrojtëse kundër COVID-19, kandidatëve për patent shofer u janë shpërndarë pako me produkte mbrojtëse kundër COVID-19 (maska, dorëza dhe dezinfektues), në degën e Kruqit të Kuq në Prishtinë.

KTA dhe Kryqi i Kuq dhe më tutje i bashkohen thirrjes së IKSHPK për respektimin e masave mbrojtëse kundër COVID-19, kështu duke mbrojtur vetvetën dhe të tjerët.

ADAS-Banner-@2x-807x360-1-1600x900

Sistemet e Avancuara ndihmëse të shoferit: si të sigurohet që do të japin premtimin e tyre në sigurinë rrugore

Në ndërkohë që ADAS mund të përmirësojë sigurinë rrugore, nje studim i cili u publikua me dt 28/10/2020 nga rajoni I i FIA-s, paraqet disa kushtet të cilat duhet të përshtaten së pari : optimizimi teknik i sistemit, rritja e ndërgjegjësimit të shoferit poashtu e nevojshme infrastruktura e përshtatshme-deklaroi rajoni I i FIA-s.

Laurianne Krid, Drejtoresha gjenerale në rajonin I të FIA-s, komentoi : “Studimi jonë konfirmoi që ADAS që të përmbush potencialin , ne duhet të integrojmë qasjen e të gjithë palëve të interesuara të mobilitetit – nga drejtuesit e automjeteve deri tek prodhuesit e automjeteve , nga operatorët rrugorë e deri të rregullatorët-të githë kanë një rol . Drejtuesit e mjeteve duhet të kuptojnë limitet e sistemit dhe të kuptojnë se ata janë ende përgjegjës. Lidhur me automjetet, duhet të përcaktohen kërkesat minimale teknike dhe një standard i qartë për garancinë e jetëgjatësisë së ADAS. Sa i përket infrastrukturës, operatorët kombëtarë të rrugëve dhe agjencitë e trafikut duhet të bashkëpunojnë drejt një rrjeti rrugor uniform, “të mbrojtur nga e ardhmja”, veçanërisht në lidhje me autostradat dhe rrugët regjionale. Teknologjitë ADAS, ose si standard ose si opsion thashmë janë në treg dhe disa jane vendosur të bëhen të detyrueshme në Evropë në modelet e makinave të reja nga korriku i vitit 2022 dhe të gjitha modelet ekzituese nga korriku 2024 . Krid shtoi : Ne jemi të gatshëm të bashkëpunojmë me çdo palë të interesuar për të siguruar që ADAS mund të japë premtimin e tyre për automjete më të sigurta për të gjithë përdoruesit e rrugës.  

Vizitoni faqen e kampanjes : KTA_ADAS

rsz_kjo_eshte_rruga_ime_page_10

Përfundon kampanja “Kjo është rruga ime”

Siç edhe e dini, KTA i është bashkangjitur Aksionit Global duke përkrahur kampanjën “Kjo është rruga ime”. Në një periudhë 5 ditore kemi bërë shënjimin e vendkalimeve për këmbësorë në afërsi të disa shkollave në Komunën e Prizrenit, shënjim ky me një dizajn unik dhe atraktiv për fëmijët në veçanti.

Në aktivitetin e parë të këtij projekti u zgjodh Rr. Ilirët, në Prizren në afërsi të shkollës “Nazim Kollari”, vendkalim ky që është mirëpritur shumë nga nxënësit e asaj shkolle.

Në aktivitetin e dytë të kampanjës është synuar rruga Sylejman Vokshi, në Prizren, në afërsi të shkollës “Fadil Hisari”.

Aktiviteti i tretë i kampanjës “Kjo është rruga ime”, ku KTA aktivitetin e saj e ka zvhilluar në Radio Dukagjini në Emisionin “Radar – Me Edita Dolin” ku dëgjuesit patën mundësi të raportojnë për rrugë të pasigurta, dhe quditërisht ishte një interesim i jashtëzakonshëm, dhe sipas stafit të Radio Dukagjinit linjat janë bllokuar sepse ishin mbi 4 mijë thirrje.

Me qëllim që të përhapim vetëdijen te të gjithë pjesëmarrësit të trafikut rrugor për shkaktarin numër një të vdekjeve, aktiviteti i katërt i kampanjës është zhvilluar në rrugën Ahmet Prishtina, pranë shkollës “Lekë Dukagjini”, vendkalim ky që u mbush plot me ngjyra.

Në aktivitetin e 5-të, në përkrahje të kampanjës “Kjo është rruga ime”, KTA zgjodhi shënjimin e rrugës Petrit Bytyqi në Prizren, në afërsi të shkollës speciale “Lef Nosi”.

Duke ju bashkuar thirrjës që të gjithë kemi të drejtë të përdorim rrugë të sigurta, për aktivitetin e saj të 6-të, KTA zgjodhi shënjimin e rrugës Ali Hadri në Prizren, në afërsi të shkollës “Abdyl Frashëri”.

Ndërsa për të përmbyllur me sukses të plotë kampanjën pesë ditore, KTA zgjodhi rrugën Hafiz Ismail Haki, në Prizren në afërsi të shkollës “Motrat Qiriazi”.

Gjithsesi, edhe pse projekti i kësaj kampanje përfundoj, KTA në koordinim me fija, premtojmë se nuk do të ndalemi duke promovuar kampanja tjera të sigurisë në rrugë, duke u munduar maksimalisht që të ulim sa më shumë vdekjet dhe aksidentet në rrugë.

rsz_kjo_eshte_rruga_ime_page_10

Aktiviteti i radhës i kampanjës “Kjo është rruga ime”

Kampanja “Kjo është rruga ime“ brenda 15 min. pranon mbi 4000 thirrje nga qytetarët e Kosovës

Kampanja e KTA-së “Kjo është rruga ime“ e mbështetur nga FIA Road Safety Grant Program ka zhvilluar aktivitetin e saj në Radio Dukagjini në Emisionin Radar me Edita Dolin ku dëgjuesit patën mundësinë të raportojnë për rrugë të pasigurta.

Sipas statistikave të vitit 2019, në Kosovë kemi 113 persona të vdekur në trafikun rrugorë, ku gjithsej kemi 40 këmbësorë të vdekur dhe 1093 të lënduar, ku nga mosha 0 deri 12 vjeç, kemi 4 të vdekur dhe 202 të lënduar, nga mosha 13-18 vjeç kemi 1 të vdekur dhe 198 të lënduar, dhe nga mosha 19 vjeç e më shumë, kemi 35 të vdekur dhe 693 të lënduar.

KTA u bashkua me Aksionin Global për të mbështetur iniciativën e fushatës “Kjo është rruga ime” koordinuar nga fondacioni i FIA-s për të promovuar shëndetin në radhë të parë, të drejtat dhe të ardhmen e rinisë për prioretizimin e politikave për rrugë më të sigurta.

Kjo iniciativë, e mbështetur nga Programi i Garantëve të Sigurisë Rrugore FIA, me këtë nismë synojmë të përhapim vetëdijen te të gjithë pjesëmarrësit të trafikut rrugor për shkaktarin numër një të vdekjeve.
KTA-ja me këtë iniciative po bën përpjekje për të përmirësuar sigurinë rrugore, duke shënjuar vendkalime atraktive afër shkollave dhe duke adresuar problem të rrugëve të pasigurta që sot I dëgjuam në radio në emisionin Radar.

Gjatë emisionit Radar në kuadër të projektit “Kjo është rruga ime” ka pasur raportime të shumta, Ekipi I Radarit deklaron për 15 min. janë realizuar 20 thirrje ndërsa në redaksi kanë arritur mbi 4 mijë thirrje, kjo edhe njëherë dëshmon nevojën për intervenime të shumta dhe kërkesën e qytetarëve për përmirësimin e rrugëve të pasigurta.

KTA do ti adresoj dhe do të bëj presion që këto probleme të raportuara të merren parasysh nga institucionet përgjegjëse.

KTA bën thirrje për veprim nga autoritetet gjegjëse për përmirësimin e sigurisë rrugore dhe poashtu bën thirrje për kujdes në trafik, sepse fatkeqësisht 1.35 milion jetë po shuhen në botë si shkak i aksidenteve në trafik.