Javën e kaluar, Komisioni Evropian prezantoi një paketë të re për sigurinë rrugore. E cila përfshin
ndryshime në rregulloret për kontrollin teknik të automjeteve dhe dokumentet e regjistrimit. Kjo paketë
përbëhet nga dy ligje të reja:

• Njëra ndryshon rregullat aktuale për kontrollin teknik të detyrueshëm dhe kontrollet në rrugë.
• Tjetra zëvendëson rregulloren ekzistuese për dokumentet e regjistrimit të makinave.

Propozimet kryesore janë:

• Përshtatja e kontrollit teknit me teknologjitë e reja, përfshirë makinat elektrike dhe ato me sisteme të
  avancuara ndihmëse për shoferin. Këto kontrolle do të bëhen përmes lidhjes elektronike të automjetit
  (OBD).
• Zbulimi i makinave që ndotin shumë ose janë manipuluar, duke matur ndotësit si grimcat dhe oksidet
  e azotit (NOx) në gazrat e shkarkimit.
• Kontrolli i tubit të shkarkimit do të kryhet përsëri për të gjitha makinat që përfshihen, përveç atyre që
  kontrollohen përmes sistemit OBD.
• Parandalimi i mashtrimit duke regjistruar kilometrat e makinës në databazat kombëtare dhe duke e
  lejuar ndarjen e informacionit për kilometrat edhe me shtete të tjera;
• Kërkohet kontroll teknik çdo vit për makinat dhe furgonët më të vjetër se dhjetë vjeç;
• Do të jepen certifikata elektronike për regjistrimin e automjeteve dhe kontrollin teknik (PTI), dhe të
  dhënat do të ndahen përmes një platforme të përbashkët për të lehtësuar punën
• Certifikatat e kontrollit teknik do të njihen nga shtetet e tjera për deri në 6 muaj, për të ndihmuar
  lëvizjen përtej kufijve.
• Ndotja nga makinat do të mund të matet në distancë, nga pajisje të vendosura pranë rrugëve.
• Është krijuar një listë e re me 62 sisteme sigurie që do të kontrollohen gjatë testeve teknike.
• Byroja Evropiane e FIA-s po shqyrton propozimet dhe do t’ua paraqesë mendimet e saj ekspertëve
  përkatës në javët e ardhshme.